Վագիֆ Խաչատրյանը բժիշկների հսկողության տակ է. ԱՆ
Ադրբեջանից վերադարձած գերիներից երեքի՝ Վիգեն Էուլջեքչյանի, Դավիթ Դավթյանի և Գևորգ Սուջյանի առողջական վիճակը բավարար է, հոսպիտալացված չեն. ABC Media-ի հետ զրույցում ասաց ԱՆ խոսնակ Մարիամ Ծատրյանը։
«Միայն Վագիֆ Խաչատրյանն է հոսպիտալացված, բժիշկների հսկողության տակ է, անցնում է անհրաժեշտ բոլոր հետազոտությունները»,- ասաց խոսնակը։
Երեկ Նիկոլ Փաշինյանը հայտնել էր, որ Գևորգ Սուջյանը, Դավիթ Դավթյանը, Վիգեն Էուլջեքչյանը և Վագիֆ Խաչատրյանը Հակարի կամրջով Ադրբեջանի համապատասխան մարմինների ներկայացուցիչների կողմից հանձնվել են ՀՀ համապատասխան մարմինների ներկայացուցիչներին։
