Կոբախիձեն չի մասնակցի Համաշխարհային տնտեսական ֆորումին․ հրավիրված չէ

Վրաստանի վարչապետ Իրակլի Կոբախիձեն չի մասնակցի Համաշխարհային տնտեսական ֆորումին, որը տեղի կունենա հունվարի 19-ից 23-ը Շվեյցարիայի Դավոս քաղաքում։

Նա միջոցառմանը մասնակցելու հրավեր չի ստացել։Վրաստանի Կառավարության աշխատակազմը հաստատել է, որ Կոբախիձեն ֆորումին հրավիրված չէ։

Հարկ է նշել, որ վրացական պատվիրակությունը չի մասնակցել նաև անցյալ տարվա Դավոսի ֆորումին։ Հարևան երկիրը վերջին անգամ ներկայացված է եղել այս միջազգային միջոցառմանը 2024 թվականին։