Եթե համեմատականներ անցկացնենք, ապա կտեսնենք, որ մասնավորում ավելի շատ են աշխատավարձ ստանում, քան պետական համակարգում․ Ալեն Սիմոնյան
Եթե դուք համեմատականներ անցկացնեք մասնավոր և պետական հատվածների աշխատավարձերի միջև, ապա կտեսնեք, որ մարդը կնախընտրի ավելի շուտ աշխատի մասնավոր հատվածում, քան պետական․ այսօր ԱԺ-ում ճեպազրույցի ընթացքում ասաց ԱԺ նախագահ Ալեն Սիմոնյանը։
«Վերջիվերջո, հենց այս Կառավարության անդամներն են ուսուցիչների աշխատավարձերը բարձրացրել ու բարձրացնում․ այսօր ուսուցիչներ ու զինվորականներ կան, որ ավելի շատ են ստանում, քան պատգամավորները։ Հենց նրանք են թոշակառուների թոշակները բարձրացնում»,- ասաց նա՝ անդրադառնալով պետական պաշտոնյաների աշխատավարձերի ու պարգևավճարների մասին հարցին։
