Դանիան կպատերազմի ԱՄՆ-ի դեմ, եթե Թրամփը փորձի գրավել Գրենլանդիան
Դանիայի խորհրդարանի պաշտպանության հանձնաժողովի ղեկավար Ռասմուս Յարլովը հայտարարել է, որ Դանիան կպատերազմի Միացյալ Նահանգների դեմ, եթե վերջինս փորձի գրավել Գրենլանդիան։
CNN-ի լրագրողը հարցրել է Յարլովին, թե որքանով է Դանիան պատրաստ դիմադրել ԱՄՆ-ի կողմից Գրենլանդիան գրավելու փորձերին։
«Մենք, իհարկե, կպաշտպանենք Գրենլանդիան։ Եթե ամերիկացի զինվորները ներխուժեն, պատերազմ կլինի»,- CNN-ին ասել է Յարլովը՝ պատասխանելով լրագրողի հարցին։
Նրա խոսքով՝ Դանիան գիտակցում է, որ Միացյալ Նահանգները ռազմական առավելություն ունի երկրի նկատմամբ։ Այնուամենայնիվ, Գրենլանդիան զավթելու փորձերը, միևնույն է, կավարտվեն աղետով Միացյալ Նահանգների համար։
