Վայր եմ դնում լիազորություններս որպես Հայաստանի դահուկասպորտի ֆեդերացիայի նախագահ․ Գագիկ Սարգսյան

Հայաստանի դահուկասպորտի ֆեդերացիայի նախագահ Գագիկ Սարգսյանն իր ֆեյսբուքյան էջում տեղեկացրել է, որ վայր է դնում լիազորությունները։

Հիշեցնենք, որ դահուկավազորդ Միքայել Միքայելյանը տուգանվել էր Tour de Ski-ի ժամանակ կոստյումի վրայի «Ադրբեջան» գրությունը (մրցաշարը հովանավորում է Ադրբեջանը) կպչուն ժապավենով ծածկելու համար։

Դեպքի վերաբերյալ ԿԳՄՍՆ-ն հարցում էր ուղարկել ֆեդերացիա, ինչին Սարգսյանը պատասխանել էր. «Մեր հայորդու քայլն առավել քան պարզ է, և կարծում ենք, որ չունի պարզաբանման կարիք»։