Հայաստանն Ադրբեջանից թույլտվություն է խնդրել բեռները Ռուսաստան տարանցելու համար․ Իլհամ Ալիև

Ադրբեջանի նախագահը Դավոսի՝ տնտեսական թեմայով գագաթնաժողովի ժամանակ հայտարարել է, որ Հայաստանն Ադրբեջանից թույլտվություն է խնդրել Ռուսաստան բեռների տարանցման համար․ գրում են ադրբեջանական լրատվամիջոցները։

«Այսպիսով, դե ֆակտո և միակողմանիորեն բացել ենք միջանցքները։ Ճիշտ է՝ բեռները Հայաստան են հասնում Վրաստանով, սակայն կգա մի օր, երբ դրանք Ադրբեջանից անմիջապես Հայաստան կմտնեն, և այդ օրը սարերի հետևում չէ»,- ավելացրել է Իլհամ Ալիևը։