Ոսկու գինը նոր ռեկորդ է սահմանել

Ոսկու գինը կտրուկ աճել է՝ հասնելով մեկ ունցիայի համար 4800 դոլարից բարձր ռեկորդային մակարդակի․ գրում է Reuters գործակալությունը։ 

Թանկարժեք մետաղի շուկայական գինը բարձրացել է 2.1%-ով՝ հասնելով մեկ ունցիայի համար 4,862.19 դոլարի։

Capital.com-ի շուկայի ավագ վերլուծաբան Քայլ Ռոդդան ասել է, որ ոսկու գնի նման աճը պայմանավորված է ԱՄՆ-ի նկատմամբ վստահության կորստով, որն առաջացել է եվրոպական երկրների համար մաքսատուրքեր սահմանելու և Գրենլանդիան գրավելու Թրամփի հայտարարությունների պատճառով։

Հիշեցնենք, որ երեքշաբթի Թրամփը հայտարարեց, որ Գրենլանդիայի նկատմամբ վերահսկողություն հաստատելու իր նպատակից «հետդարձի ճանապարհ չկա»՝ չբացառելով արկտիկական կղզին ուժով գրավելու հնարավորությունը։