Իսպանիան ԵՄ-ին կոչ է անում միասնական բանակ ստեղծել

Իսպանիան ԵՄ-ին կոչ է արել քայլեր ձեռնարկել միասնական բանակ ստեղծելու ուղղությամբ՝ որպես զսպման միջոց․ այս մասին Reuters-ին ասել է Իսպանիայի արտաքին գործերի նախարար Խոսե Մանուել Ալբարեսը։

«Համատեղ ջանքերն ավելի արդյունավետ կլինեին, քան 27 առանձին ազգային բանակները», – ասել է Ալբարեսը։

Մեկնաբանությունները հնչել են հինգշաբթի Բրյուսելում ԵՄ առաջնորդների միջև կայանալիք արտակարգ հանդիպումից առաջ։ Հանդիպումը նպատակ ունի քննարկել ԱՄՆ նախագահ Դոնալդ Թրամփի՝ Գրենլանդիան գնելու կամ բռնակցելու սպառնալիքներին համատեղ արձագանքը։