ՌԴ-ն առկա քաղաքական մթնոլորտը համարում է նշան, որ Արևմուտքը, ՆԱՏՕ-ն և Եվրոպան գտնվում են քաոսի մեջ, փլուզման եզրին
Եվրոպան բարձր տագնապի մեջ է ՆԱՏՕ-ի օդային տարածքի մի շարք խախտումներից հետո, ինչն առաջնորդներին դրդել է համաձայնության գալ «անօդաչու թռչող սարքերի պատ» ստեղծելու շուրջ՝ անօդաչու թռչող սարքերն ավելի լավ հայտնաբերելու, հետևելու և խափանելու համար․ գրել է Euronews-ը։
Ուկրաինայում շարունակվող պատերազմի հետևանքով՝ անօդաչու թռչող սարքերի՝ Ֆինլանդիա մուտք գործելու ռիսկը մեծանում է․ AFP լրատվական գործակալությանը հայտնել է երկրի ռազմական հետախուզության ծառայության ղեկավարը։
Ֆինլանդիայի պաշտպանական հետախուզության (FDI) ղեկավար, գեներալ-մայոր Պեկկա Տուրունենը ելույթ է ունեցել Ֆինլանդիայի ռազմական հետախուզության զեկույցի հրապարակումից առաջ:
Տուրունենը նշել է, որ, Թրամփի հայտարարություններից ելնելով, Ռուսաստանը այս քաղաքական մթնոլորտը համարում է նշան, որ Արևմուտքը, ՆԱՏՕ-ն և Եվրոպան գտնվում են քաոսի մեջ, փլուզման եզրին։
Ավելի վաղ Թրամփը սպառնացել էր եվրոպական երկրներին մաքսատուրքերով՝ Գրենլանդիան ձեռք բերելու իր ծրագրերին դեմ լինելու համար, ինչը զայրացրել էր Բրյուսելին և աննախադեպ լարվածության ենթարկել ՆԱՏՕ-ի ռազմական դաշինքը։
