Ինչպես Պուտինը ձի վարելիս․ Մեծ Բրիտանիայում պաշտոնյան հետաքննության է ենթարկվում ֆոտոսեսիա կազմակերպելու խնդրանքի պատճառով

Մեծ Բրիտանիայում ոստիկանության վերահսկողական մարմնի պաշտոնյան հետաքննության է ենթարկվում այն բանից հետո, երբ խնդրել է իր գործընկերուհուն Վլադիմիր Պուտինի նմանությամբ ձիու վրա ֆոտոսեսիա կազմակերպել․ գրում է Daily Mail-ը։

Ռուպերտ Մեթյուզն էլեկտրոնային նամակով խնդրել է իր գործընկերուհուն ֆոտոսեսիա կազմակերպել իր կարիերայում առաջընթաց գրանցելու համար։

Բողոքը ներկայացվել է պաշտոնեական դիրքի չարաշահման մեղադրանքով։ Այն կքննվի Լեսթերի, Լեսթերշիրի և Ռատլենդի ոստիկանության և հանցագործության դեմ պայքարի հանձնաժողովի բողոքների ենթահանձնաժողովի կողմից։