Իսպանիան ակնկալում է, որ Հայաստանն ու Ադրբեջանը կստորագրեն խաղաղության պայմանագիրը
Իսպանիան ողջունում է Հայաստանի ու Ադրբեջանի հարաբերությունների կարգավորման գործընթացում գրանցված առաջընթացը՝ հիմնված անցյալ տարի օգոստոսի 8-ին Վաշինգտոնում ստորագրված խաղաղության համաձայնագրի վրա։ Այս մասին հայտարարել է Իսպանիայի Թագավորության պատգամավորների կոնգրեսի նախագահ Ֆրանսինա Արմենգոլ Սոսիասը։
«Ադրբեջանի խորհրդարանի խոսնակ Սահիբա Գաֆարովայի հետ հանդիպման ժամանակ ես Իսպանիայի երախտագիտությունը հայտնեցի Բաքվի և Երևանի միջև հարաբերությունների կարգավորման գործում ձեռք բերված առաջընթացի համար։ Մենք հույս ունենք, որ համապատասխան պայմանների դեպքում այս գործընթացը կավարտվի խաղաղության պայմանագրի ստորագրմամբ», – ընդգծել է նա։
