Դանիայի վարչապետն այցելել է Գրենլանդիա
Դանիայի վարչապետ Մետտե Ֆրեդերիկսենը այցելել է Գրենլանդիայի մայրաքաղաք Նուուկ. գրում է BBC-ն։
Բնակիչների հետ հանդիպման ժամանակ նա ընդգծել է Դանիայի Թագավորության համախմբվածության և համատեղ քաղաքական ապագայի կարևորությունը։
«Ես Գրենլանդիայում եմ՝ ցույց տալու Կոպենհագենի աջակցությունը կղզու ժողովրդին․ շատ բարդ ժամանակներում ենք ապրում»,- ասել է նա:
Այցը տեղի է ունեցել Գրենլանդիայի ապագայի վերաբերյալ Միացյալ Նահանգների նախագահ Դոնալդ Թրամփի հայտարարությունների ֆոնին։
