ՌԴ-ի և Ուկրաինայի պատվիրակությունները երկկողմ բանակցություններ կանցկացնեն․ Ռուբիո
ԱՄՆ նախագահի հատուկ բանագնաց Սթիվ Ուիթքոֆը և Ջարեդ Քուշները չեն մասնակցի Ուկրաինայի հարցով բանակցությունների հաջորդ փուլին․ հայտարարել է պետքարտուղար Մարկո Ռուբիոն։
Նրա խոսքով՝ հանդիպումը կլինի երկկողմ՝ Ռուսաստանի և Ուկրաինայի միջև, սակայն ԱՄՆ ներկայացուցիչները հնարավորություն կունենան միանալու նրանց։
«Նրանք (Ռուսաստանը և Ուկրաինան – խմբ.) պլանավորում են շարունակել բանակցությունները այս շաբաթ, այս անգամ՝ երկկողմանի․ ԱՄՆ ներկայությունը հնարավոր է», – ասել է Ռուբիոն Սենատի լսումների ժամանակ։
