«3+3» ձևաչափով երրորդ հանդիպումը գտնվում է նախապատրաստման և վայրի ընտրության փուլում․ Լավրով

Հարավային Կովկասի վերաբերյալ «3+3» ձևաչափով (Հայաստան, Ադրբեջան, Վրաստան և նրանց երեք հարևանները՝ Ռուսաստան, Թուրքիա և Իրան) արտաքին գործերի նախարարների մակարդակով երրորդ հանդիպումը գտնվում է նախապատրաստման և վայրի ընտրության փուլում։ Դուռը բաց է մնում Վրաստանի համար․ ինչպես հայտնում է ТАСС-ը, հայտարարել է Ռուսաստանի արտաքին գործերի նախարար Սերգեյ Լավրովը թուրքական լրատվամիջոցների հետ զրույցում։

«Երկու նախարարական հանդիպում արդեն տեղի է ունեցել, և երրորդը պատրաստվում է։ Մեր վրացի հարևանները ներկայում ձեռնպահ են մնում մասնակցությունից, բայց մենք անընդհատ ընդգծում ենք, որ նրանց համար դուռը բաց է», – նշել է նա։

Ռուսաստանի դիվանագիտական առաքելության ղեկավարը հավելել է, որ իր թուրք գործընկեր Հաքան Ֆիդանն «ակտիվորեն աջակցում է երրորդ նախարարական հանդիպման անցկացմանը»։

«Վայրը որոշվում է։ Հուսով եմ՝ շուտով հստակություն կմտցվի», – նշել է նա։

«Մենք Հարավային Կովկասում ընդհանուր հարևաններ ենք», – ընդգծել է Լավրովը՝ հիշեցնելով, որ Թուրքիան և Ադրբեջանը «3+3» ձևաչափի հիմնական նախաձեռնողներն էին։