ՆԱՍԱ-ի տիեզերագնացները 50 տարվա ընթացքում առաջին անգամ կվերադառնան Լուսին

ՆԱՍԱ-ի տիեզերագնացները շուտով կվերադառնան Լուսին՝ 50 տարվա ընթացքում առաջին անգամ․ գրում է Euronews-ը։

ՆԱՍԱ-ի Artemis II առաքելությունը, որի մեկնարկը նախատեսված է այս տարվա փետրվարի 6-ին, 4 տիեզերագնաց կուղարկի Լուսնի շուրջ ճանապարհորդության համար: Տիեզերագնացները կվերադառնան Երկրի մթնոլորտ մոտավորապես ժամում 40․000 կմ/ժ ռեկորդային արագությամբ։

Թեև առաքելությունը չի ներառի Լուսնի վրա վայրէջք, այն կլինի Միացյալ Նահանգների՝ Երկրի ուղեծրից դուրս երկարաժամկետ մարդկային ներկայություն հաստատելու ծրագրի կարևոր քայլ։

Artemis II-ը ՆԱՍԱ-ի Artemis ծրագրի երկրորդ առաքելությունն է, որը մեկնարկել է 2017 թվականին՝ մարդկանց Լուսին վերադարձնելու և, ի վերջո, տիեզերագնացներ Մարս ուղարկելու համար։ Այն նաև կտրամադրի կարևոր տվյալներ, որոնք կօգտագործվեն դեպի Լուսին ապագա առաքելությունների համար։