Ի՞նչ գանձեր են գտնվել Մեծ Բրիտանիայում արագընթաց երկաթուղու կառուցման ժամանակ (լուսանկարներ)

Մեծ Բրիտանիայում արագընթաց երկաթուղու կառուցման աշխատանքների ընթացքում հարյուրավոր հնագետների կողմից մինչ օրս հայտնաբերված գանձերն առաջին անգամ ցուցադրվել են BBC-ին:

Հայտնաբերված 450․000 առարկաների թվում են հռոմեական գլադիատորի կրծքանշան, կացին, որը հնարավոր է՝ ավելի քան 40․000 տարեկան է, և 19-րդ դարի ոսկե պրոթեզներ։

Գտածոները հայտնաբերվել են Լոնդոնը Բրիտանիայի հյուսիսային քաղաքների հետ կապելու նպատակով կառուցվող HS2 երկաթուղու շինարարական աշխատանքների ժամանակ։

Հայտնաբերված առարկաների ապագան դեռևս անորոշ է, ինչպես նաև դրանց սեփականության հարցը։