Վեհափառի եղբոր՝ Գևորգ Ներսիսյանի կալանքը ևս 2 ամսով երկարաձգվեց

Ամենայն Հայոց Կաթողիկոս Գարեգին Բ-ի եղբոր՝ Գևորգ Ներսիսյանի կալանքը դատարանը ևս 2 ամսով երկարաձգեց․ ABC Media-ին հայտնեց փաստաբան Արա Զոհրաբյանը։

Նա որոշումն անհիմն որակեց։

Անցյալ տարվա նոյեմբերին Արա Զոհրաբյանը հայտնել էր, որ քննչական մարմինը 68-ամյա Գևորգ Ներսիսյանին և որդուն՝ Համբարձում Ներսիսյանին, կալանավորման նպատակով դատարան տանելու համար ձերբակալելու որոշում է կայացրել։

Ներսիսյանը մեղադրվում է «Վաղարշապատ խոշորացված համայնքում նախընտրական քարոզչությանը խոչընդոտելու» համար։