Ապօրինի, Սահմանադրությանը հակասող գործ է․ Հովնան սրբազանը՝ իրենց ՔԿ կանչելու մասին
Կարող եմ ասել, որ սա ամբողջովին ապօրինի գործ է․ ՔԿ-ում հարցաքննությունից հետո ասել է Գուգարաց թեմի առաջնորդ Հովնան եպիսկոպոս Հակոբյանը։
«Ենթադրել կարող եմ, բայց մինչև հիմա չհասկացա՝ ինչու են կանչել։ Եկեղեցուն լռեցնելու փորձ է, բռնաճնշումներ են, ուրիշ ոչինչ»,-ասել է Սրբազանը։
Գևորգ եպիսկոպոս Սարոյանի կարգալուծության վերաբերյալ հարցին ի պատասխան՝ Հովնան սրբազանը նշել է, որ Մայր Աթոռը որևիցե հակականոնական քայլ չի կատարել:
«Իսկ ովքեր որ ասում են հակականոն է, թող մեկ փաստարկ բերեն: Դա միայն Վեհափառի տնօրինությունը չէ։ Գերագույն հոգևոր խորհուրդը առաջարկություն է բերել Վեհափառ Հայրապետի։ Պատմական ակնարկով բազմաթիվ լեցուն դեպքերը կան, որոնք հրապարակվել են։ Ցանկացած գործ Հայաստանի Հանրապետությունում և աշխարհում պետք է դիտարկվի Սահմանադրության լույսի ներքո։ Իսկ սահմանադրությունը ի՞նչ է ասում, իրենք ճիշտ հակառակն են կատարում, դրա համար էլ մենք ասում ենք ապօրինի է այս ամենը»,-ասել է Հովնան եպիսկոպոս Հակոբյանը։
Հարցին՝ այս քայլերով վախեցնո՞ւմ են թեմի հոգևարականներին, Գուգարաց Թեմի առաջնորդն արձագանքել է․ «Ընդհակառակը, իրե ավելի «մարտական» են տրամադրված։
Հիշեցնենք, որ ՔԿ-ում հարցաքննության են կանչվել բարձրաստիճան 6 հոգևորականներ և մեկ ամուսնացյալ քահանա։
