ԵՄ բոլոր դեսպանները կանչվել են Իրանի ԱԳՆ
Թեհրանում գտնվող Եվրամիության բոլոր դեսպանները կանչվել են Իրանի արտաքին գործերի նախարարություն․ ճեպազրույցի ժամանակ հայտարարել է Իրանի արտաքին գործերի նախարարության խոսնակ Էսմայիլ Բաղային։
Նա նշել է, որ ԵՄ կողմից Իսլամական հեղափոխության պահապանների կորպուսը (ԻՀՊԿ) ահաբեկչական կազմակերպություն ճանաչելուն ի պատասխան եվրոպացի դեսպաններին ԱԳՆ կանչելը նվազագույն քայլն է, և որ այդ ուղղությամբ միջոցառումներ կձեռնարկվեն։
«Մենք քննարկում ենք բազմաթիվ պատասխան քայլեր, և մշակել ենք մի շարք տարբերակներ։ Այս տարբերակներն առաջարկվել են որոշում կայացնող մարմիններին։ ԵՄ-ի անօրինական և սխալ որոշմանն արձագանքելու միջոցառումների վերաբերյալ որոշում կարող է կայացվել առաջիկա օրերին»,- հայտարարել է Բաղային։
