Էփշտեյնի գործով հրապարակված փաստաթղթերում կա ավելի քան 2000 տեսանյութ և 180․000 լուսանկար

Սեռական շահագործման ու մանկապղծության համար մեղադրված ու դատապարտված ամերիկացի ֆինանսիստ Ջեֆրի Էփշտեյնի գործով հրապարակված փաստաթղթերի նոր խմբաքանակում ներառված են էլեկտրոնային փոստի փոխանակումներ, ինչպես նաև ավելի քան 2000 տեսանյութ և 180,000 լուսանկար․ գրում է Sky News-ը։

Հիշեցնենք, որ Էփշտեյնի գործով ԱՄՆ արդարադատության նախարարությունն անցյալ ուրբաթ հրապարակել էր նոր փաստաթղթեր, որոնք կազմում են ավելի քան 3 միլիոն էջ։

Հրապարակված նյութերի մեջ հիշատակված են մի շարք քաղաքական ու հանրային գործիչներ, այդ թվում ԱՄՆ նախկին նախագահ Բիլ Քլինթոնը և Մեծ Բրիտանիայի նախկին արքայազն Էնդրյուն։