Ալեն Սիմոնյանն ու Սերգեյ Լավրովը կքննարկեն երկկողմ համագործակցության և տարածաշրջանային հարցեր

Փետրվարի 5-ին Ռուսաստանի ԱԳՆ ղեկավար Սերգեյ Լավրովը կհանդիպի ՀՀ Ազգային ժողովի նախագահ Ալեն Սիմոնյանին, որը պաշտոնական այցով կգտնվի Մոսկվայում՝ ՌԴ Դաշնային ժողովի Դաշնության խորհրդի նախագահի հրավերով․ հայտարարել է ՌԴ ԱԳՆ ներկայացուցիչ Մարիա Զախարովան։

Նրա խոսքով՝ բանակցությունները կկենտրոնանան երկկողմ համագործակցության և տարածաշրջանային արդի հարցերի վրա։

Հատուկ ուշադրություն կդարձվի Մոսկվայի և Երևանի փոխգործակցությանը եվրասիական ընդհանուր կառույցների շրջանակում, ինչպես նաև այս ոլորտում երկխոսությանը։