ԱԱԾ-ում պայծառատեսներ կամ ժամանակի մեքենա ունեցողներ են աշխատում. Հովհաննես Խուդոյան
Բագրատ սրբազանի փաստաբանական թիմի անդամ Հովհաննես Խուդոյանն այսօր դատարանում հայտարարեց, որ «Սրբազան պայքարի» գործի քննությանը վերաբերող փաստաթղթի հետազոտության արդյունքում կարելի է հանգել հետևյալ եզրակացությանը, որ ԱԱԾ-ում պայծառատեսներ կամ ժամանակի մեքենա ունեցողներ են աշխատում։
«Կա՛մ Երևանի քրեական դատարանը հետին ամսաթվով թույլտվություններ է տալիս օպերատիվ հետախուզական միջոցառումներ անցկացնելու համար, կա՛մ ԱԱԾ-ում պայծառատեսներ ու ժամանակի մեքենա ունեցողներ են աշխատում, քանի որ տվել են այնպիսի տվյալներ, որոնց մասին պարզ էր դառնալու մեկ ամիս անց», – ասաց նա:
