Մի ժամանակ Վաշինգտոնի ամենամտերիմ գործընկեր Վրաստանը կողքից կհետևի Վենսի՝ՀՀ և Ադրբեջան այցին․ RFE/RL

Վրաստանը Հարավային Կովկասում Վաշինգտոնի ամենամոտ գործընկերներից մեկն էր։ Այդ ճանապարհն այժմ թվում է՝ մտել է փակուղի, կամ առնվազն փակ է վերակառուցման նպատակով․ գրել է Radio Free Europe/Radio Liberty-ին։

Ինչպես նշվել է, Հարավային Կովկասում Վաշինգտոնի՝ մի ժամանակ ամենամոտ գործընկերը համարվող Վրաստանն այժմ հայտնվել է ԱՄՆ տարածաշրջանային դիվանագիտությունից դուրս։ Մինչ Թբիլիսին խորացնում է կապերը Չինաստանի հետ՝ միաժամանակ պահպանելով իր ներգրավվածությունը Ռուսաստանի հետ, Վաշինգտոնի ուշադրությունը գնալով ավելի է տեղափոխվում դեպի Ադրբեջան և Հայաստան։

Ոչ մի տեղ դա այնքան ակնհայտ չէր, որքան ԱՄՆ նախագահ Դոնալդ Թրամփի «Խաղաղության խորհուրդ» նախաձեռնության մեկնարկի ժամանակ։ Ադրբեջանն ու Հայաստանը հրավերներ են ստացել միանալու դրան, իսկ Վրաստանը դուրս է մնացել։

Այժմ ԱՄՆ փոխնախագահ Ջեյ Դի Վենսը փետրվարի 9-ին ժամանում է տարածաշրջան՝ ամենաբարձրաստիճան ԱՄՆ պաշտոնյան, ով այցելել է տարածաշրջան 2009 թվականից ի վեր, և Թբիլիսին կարող է միայն կողքից հետևել նրա այցին։

Ինչպես նշել է RFE/RL-ն, տասնամյակներ շարունակ Վրաստանի կարևորությունը մասամբ պայմանավորված էր Հայաստանի և Ադրբեջանի միջև չլուծված հակամարտությամբ։ Վրաստանը ծառայում էր որպես կասպիական էներգիայի արտահանման հիմնական տարանցիկ ուղի և որպես Հայաստանի գլխավոր դարպաս դեպի արտաքին աշխարհ՝ Ադրբեջանի և Թուրքիայի հետ փակ սահմանների պատճառով։

Քանի որ Բաքուն և Երևանը մերձենում են ԱՄՆ-ի աջակցությամբ խաղաղության գործընթացին, վերլուծաբանները նշում են, որ Վրաստանի դերը՝ որպես անփոխարինելի տարանցիկ միջանցք, կարող է նվազել։