Կոբախիձեն հայտնել է Վրաստանի տարածքում Թուրքիան Ադրբեջանի հետ կապող ճանապարհի շինարարության ավարտի ամսաթիվը
Վրաստանի տարածքում Թուրքիայի սահմանից մինչև Ադրբեջանի ու Հայաստանի հետ սահմաններ տանող մայրուղու գրեթե բոլոր հիմնական հատվածների շինարարությունը կավարտվի մինչև 2030 թվականի ավարտը․ հայտարարել է Վրաստանի վարչապետ Իրակլի Կոբախիձեն։
Նա նշել է, որ Վրաստանի կառավարությունը ձգտում է առավելագույնս օգտագործել երկրի ռազմավարական դիրքը։
«Մեր հիմնական նպատակներից մեկը երկրի տրանսպորտային և տարանցիկ գործառույթների զարգացումն է։ Այս ոլորտում շատ մեծ ներդրումներ են կատարվում», – ընդգծել է նա։
