Իրանում հասարակական-քաղաքական գործիչներ են ձերբակալվել
Իրանում հասարակական-քաղաքական գործիչներ են ձերբակալվել․ գրում են իրանական լրատվամիջոցները։
Ձերբակալվածները մեղադրվում են «ազգային միասնությունը խաթարելու, երկրի հասարակական-քաղաքական կարգը խախտելու, Սահմանադրությանը հակասող դիրքորոշում ընդունելու, թշնամական քարոզչություն իրականացնելու» համար։ Նրանց առաջադրվել են նաև այլ մեղադրանքներ։
Ձերբակալվածների թվում են «Բարեփոխումների ճակատի» և «Ազգային միասնություն» կուսակցության նախագահ Ազեր Մանսուրին, խորհրդարանի նախկին անդամ Էբրահիմ Ասկերզադեն, նախկին դիվանագետ Մոհսեն Ամինզադեն և «Բարեփոխումների ճակատի» խոսնակ Ջավադ Էմամը։
Ձերբակալությունները կատարվել են դատարանի որոշման հիման վրա. անվտանգության ուժերը նրանց ձերբակալել են իրենց բնակության վայրերում։ Նրանց գործունեության վերաբերյալ հետաքննություն է ընթանում։
