Կոչ ենք անում Ձեզ՝ անցնել մտահոգության արտահայտություններից․ Արցախի ԱԺ նախագահը՝ ԱՄՆ փոխնախագահին
Արցախի խորհրդարանի նախագահ Աշոտ Դանիելյանը բաց նամակ է հղել ԱՄՆ փոխնախագահ Վենսին, որտեղ մասնավորապես ասված է․
«Մենք կոչ ենք անում Ձեզ՝ անցնել մտահոգության արտահայտություններից և ակտիվորեն աջակցել միջազգային այնպիսի միջոցառումների, որոնք կապահովեն պատասխանատվությունը, կպաշտպանեն տեղահանված բնակչությանը և հնարավոր կդարձնեն Լեռնային Ղարաբաղի հայերի անվտանգ վերադարձը:
Այս անարդարությունը չլուծելը վտանգավոր նախադեպ ստեղծելու ռիսկ է պարունակում, այն է՝ էթնիկ զտումները կարող են պարգևատրվել քաղաքական կարգավորմամբ: Ընդհակառակը, դրան անդրադառնալը հզոր ազդակ կլինի առ այն, որ խաղաղությունը, տևական լինելու համար, պետք է հիմնված լինի արդարության, իրավունքի և մարդկային արժանապատվության վրա»:
