Էփշտեյնի նախկին ընկերուհին խոստացել է վկայություն տալ Թրամփի և Քլինթոնի օգտին՝ ներում ստանալու դիմաց
Ջեֆրի Էփշտեյնի դատապարտված գործընկերը և նախկին ընկերուհին՝ Գիսլեյն Մաքսվելը, երկուշաբթի ցուցմունք տալու ժամանակ հրաժարվել է պատասխանել ԱՄՆ Ներկայացուցիչների պալատի վերահսկողական հանձնաժողովի հարցերին․ գրում է Euronews-ը։
Մաքսվելը, որը սեռական շահագործման համար 20 տարվա ազատազրկման է դատապարտված և ներկայումս գտնվում է Տեխասի դաշնային բանտում, ասել է, որ եթե ԱՄՆ նախագահ Դոնալդ Թրամփը ներում շնորհի իրեն, նա պատրաստ կլինի վկայություն տալ, որ ո՛չ Թրամփը, ո՛չ նախկին նախագահ Բիլ Քլինթոնը որևէ սխալ բան չեն արել Էփշտեյնի հետ իրենց հարաբերություններում։
Կոմիտեի կողմից հրապարակված տեսանյութում երևում է՝ ինչպես են Մաքսվելին հարցաքննում տեսազանգի ժամանակ, որի ընթացքում նա օգտվում է հարցերին պատասխանելուց հրաժարվելու իր իրավունքից։
