Մեծ Բրիտանիայի վարչապետը հրաժարական չի տա՝ չնայած իր նշանակած դեսպանի և Էփշտեյնի կապերի շուրջ սկանդալին
Մեծ Բրիտանիայի վարչապետ Քիր Սթարմերը չի հրաժարվի պաշտոնից՝ չնայած հանգամանքին, որ նրա հրաժարականը պահանջող կոչերը շարունակում են աճել ինչպես ընդդիմության, այնպես էլ իր ղեկավարած կուսակցության անդամների կողմից․ գրում է Euronews-ը։
Սթարմերը ճնշման տակ է հայտնվել այն բանից հետո, երբ պարզվեց, որ ԱՄՆ-ում նրա նշանակած դեսպանը՝ Փիթեր Մանդելսոնը, մտերիմ հարաբերություններ է ունեցել սեռական շահագործման նպատակով մարդկանց թրաֆիքինգի համար մեղադրված ու ազատազրկված ամերիկացի ֆինանսիստ Ջեֆրի Էփշտեյնի հետ։
Նշվում է, որ Սթարմերը կորցնում է վերահսկողությունն իր ղեկավարած Լեյբորիստական կուսակցության նկատմամբ։ Նրա կուսակցությունից որոշ օրենսդիրներ նրան կոչ են անում հրաժարական տալ՝ 2024 թվականին Մանդելսոնին բարձրաստիճան դիվանագիտական պաշտոնի նշանակելու որոշման համար։
«Յուրաքանչյուր պայքարում, որին ես երբևէ ներգրավված եմ եղել, ես հաղթել եմ։ Ես պատրաստ չեմ հրաժարվել իմ մանդատից և իմ երկրի առաջ ունեցած պատասխանատվությունից», – Լեյբորիստական կուսակցության օրենսդիրներին ասել է Սթարմերը։
