Բրիթնի Սփիրսը վաճառել է իր ամբողջ երաժշտական կատալոգի իրավունքները
Փոփ մեգաաստղ Բրիթնի Սփիրսը վաճառել է իր ամբողջ երաժշտական կատալոգի իրավունքները․ հայտնում է BBC-ն։
Քառասունչորսամյա Սփիրսը դեկտեմբերի 30-ին մոտ 200 միլիոն դոլարով իր սեփականությունը վաճառել է Primary Wave մասնավոր ընկերությանը:
Վաճառքը տեղի է ունեցել երգչուհու համար բարդ շրջանից հետո․ 2021 թվականին ավարտվել է նրա կատալոգի համար 13-ամյա իրավական հսկողության ժամկետը, որի ընթացքում նրա ֆինանսներն ու անձնական կյանքը վերահսկվում էին հոր կողմից:
2024 թվականի հունվարին երգչուհին հայտարարել էր, որ «երբեք չի վերադառնա երաժշտական արդյունաբերություն»։ Նրա վերջին երգը եղել է դուետ, որը թողարկվել է Էլթոն Ջոնի հետ 2022 թվականին։
Երգչուհին 2023 թվականին հրատարակել է իր հուշագրությունը՝ «Կինն իմ մեջ» վերնագրով, որտեղ մանրամասն նկարագրել է իրավական հսկողության ներքո ապրելու ընթացքում ունեցած դժվարությունները։
Սփիրսն ամենաշատ «վաճառվող» կին արտիստներից է՝ ամբողջ աշխարհում վաճառված ավելի քան 150 միլիոն ձայնագրությամբ։
