Hermes պայուսակ, Fendi դրամապանակ․ Goldman Sachs-ի փաստաբանը կհեռանա ընկերությունից՝ Էփշտեյնի հետ ունեցած կապերի պատճառով

Ամերիկյան խոշոր ներդրումային բանկի՝ Goldman Sachs-ի առաջատար փաստաբան, Սպիտակ տան նախկին խորհրդական Քեթրին Ռումլերը հունիսի վերջին կհեռանա ընկերությունից․ գրում է CNBC-ն։

Ռումլերն այս որոշումը կայացրել է Ջեֆրի Էփշտեյնի փաստաթղթերի հրապարակումից հետո, որտեղ մանրամասն նկարագրվում է նրա և ամերիկացի ֆինանսիստի միջև էլեկտրոնային փոստով զրույցների մանրամասները։

Ընկերությունից հեռանալու մասին հայտարարությունից գրեթե մեկ շաբաթ առաջ The Wall Street Journal-ը հայտնել էր, որ Ռումլերն այն երեք անձանցից մեկն էր, որոնց Էփշտեյնը զանգահարել է 2019 թվականի հուլիսի 6-ին՝ Նյու Ջերսիի օդանավակայանում երեխաների սեռական շահագործման մեղադրանքով դաշնային իշխանությունների կողմից ձերբակալվելուց հետո։

Այլ լրատվական հոդվածներում մանրամասնորեն ներկայացված են էլեկտրոնային նամակներ և փաստաթղթեր, որոնցում ասվում է, որ Էփշտեյնը Ռումլերին նվիրել է շքեղ իրեր՝ Hermes պայուսակ, Fendi դրամապանակ, սպա այցելություններ, Bergdorf Goodman-ի նվեր քարտեր և ծաղիկներ: Նամակներից մեկում Ռումլերն էփշտեյնին շնորհակալություն է հայտնել նվերների համար՝ նրան անվանելով «քեռի Ջեֆրի»։