Մենք ապրում ենք աշխարհաքաղաքականության նոր դարաշրջանում․ Ռուբիո
ԱՄՆ պետքարտուղար Մարկո Ռուբիոն հայտարարել է, որ այժմ աշխարհաքաղաքականության համար վճռորոշ պահ է․ գրում է BBC-ն։
Ռուբիոն հայտարարությունն արել է Մյունխենի անվտանգության համաժողովից առաջ։ Համաժողովի ժամանակ նա կգլխավորի ԱՄՆ պատվիրակությունը։
«Աշխարհը շատ արագ փոխվում է մեր աչքի առաջ։ Մենք ապրում ենք աշխարհաքաղաքականության նոր դարաշրջանում, և այն պահանջելու է, որ բոլորս վերանայենք, թե ինչ տեսք այն պետք է ունենա, և ինչպիսին է լինելու մեր դերը», – լրագրողներին ասել է Ռուբիոն։
Համաժողովին, որը կքննարկի եվրոպական պաշտպանությունը և տրանսատլանտյան հարաբերությունների ապագան, կմասնակցի մոտ 50 երկրի առաջնորդ։
