Մտել ենք խաղաղության դարաշրջան, բայց Բաքվում ազատազրկված հայ ղեկավարներին վերադարձնելը բացառվում է․ Ալիևի հարցազրույցը՝ կետերով
Ադրբեջանի նախագահ Իլհամ Ալիևը հարցազրույց է տվել France24 հեռուստաընկերությանը։ Դրա առանցքային կետերը ներկայացնում ենք ստորև․
- Սպիտակ տանն այդ պատմական փաստաթղթի ստորագրումը նշանակում է հակամարտության ավարտ․ մենք մտել ենք խաղաղության դարաշրջան, որը, հուսով ենք, մշտական կլինի։
- Այդ ժամանակվանից անցել է ավելի քան վեց ամիս, և իրավիճակը Հայաստանի հետ մեր սահմանին շատ հանգիստ է։ Կրակոցներ, զոհեր, մահեր չկան։
- Բաքվի բանտերում պահվող հայ «անջատողականներին» ներում շնորհելու հնարավորությունը բացառվում է։
- Ադրբեջանն արդեն կառուցում է մոտ 400 կմ երկաթուղի մինչև սահման, «Զանգեզուրի միջանցքի» հայկական հատվածը 40 կմ-ից մի փոքր ավել է։ Կվերականգնի Նախիջևանում գրեթե 200 կմ երկաթուղին։
- Կասկած չունեմ, որ TRIPP նախագիծը կիրականացվի։ Այն Ադրբեջանի հիմնական մասը Հայաստանի միջոցով կկապի Նախիջևանի հետ։
- Երբ փոփոխություն արվի Հայաստանի սահմանադրության մեջ, հաջորդ իսկ օրը կարող ենք ստորագրել խաղաղության պայմանագիրը։ Սակայն արդեն իսկ Ադրբեջանն ու Հայաստանը հասել են խաղաղության։
- Ինչ վերաբերում է ԼՂ բնակչության վերադարձին, դա կարող է դիտարկվել միայն փոխադարձության սկզբունքով։
