Թրամփը հայտարարել է, որ «անուղղակիորեն» կմասնակցի ԱՄՆ-Իրան բանակցություններին
ԱՄՆ նախագահ Դոնալդ Թրամփը հայտարարել է, որ «անուղղակիորեն» կմասնակցի Իրանի և ԱՄՆ-ի միջև Թեհրանի միջուկային ծրագրի շուրջ երեքշաբթի Ժնևում կայանալիք բանակցություններին․ գրում է Reuters գործակալությունը։
«Ես այդ բանակցություններին կմասնակցեմ անուղղակիորեն, և դրանք շատ կարևոր կլինեն», – լրագրողներին ասել է Թրամփը՝ հավելելով, որ կարծում է՝ Թեհրանը ցանկանում է համաձայնության գալ։
Համաձայնության հասնելու հեռանկարների մասին հարցին Թրամփն ասել է, որ Իրանը վաղուց է փորձում բանակցություններում կոշտ դիրքորոշում ընդունել, բայց այդ մոտեցման հետևանքներին ծանոթացել է անցյալ ամռանը, երբ ԱՄՆ-ն ռմբակոծեց իրանական միջուկային օբյեկտները։
