ԱՄՆ-ում հոկեյի մրցաշարի ժամանակ կրակ բացած անձը տրանսգենդեր է եղել
ԱՄՆ Ռոդ Այլենդ նահանգում անցկացվող ավագ դպրոցի հոկեյի մրցաշարի ժամանակ տեղի ունեցած կրակոցների հետևանքով զոհվել է 3 մարդ, այդ թվում՝ կրակոցների հեղինակը․ ևս երեքը ծանր վիճակում հոսպիտալացվել են․ գրում է The Associated Press-ը։
Ոստիկանությունը կրակոցների հեղինակին նույնականացրել է որպես Ռոբերտ Դորգան, որը տրանսգենդեր է և հայտնի է նաև Ռոբերտա Էսպոսիտո անունով։
«Կարծես թե սա նպատակային կազմակերպված արարք էր», – ասել է տեղի ոստիկանապետը։
Նշվում է, որ կրակոցների հեղինակը մարզադաշտում էր՝ ընտանիքի անդամի հոկեյի խաղը դիտելու համար:
Ոստիկանությունը լրացուցիչ մանրամասներ չի հայտնել ո՛չ կրակողի, ո՛չ էլ զոհերի մասին, բացի այն, որ, ըստ երևույթին, երկու զոհերն էլ չափահաս են եղել։
