AI, թե՞ իրական․ ինչպե՞ս են Լուսինն ու ընձուղտը հայտնվել տեսախցիկի օբյեկտիվում

Լուսնի ֆոնին ավազաբլրի վրա կանգնած ընձուղտին պատկերող լուսանկարը ճանաչվել է լավագույններից մեկն ու մեծ ճանաչում բերել հարավաֆրիկացի լուսանկարիչ Քայլ Գոթչին։

«Սա այն լուսանկարներից է, որի մասին ամենաշատն են ասում, որ արվել է արհեստական բանականության միջոցով (AI)։ Կարծում եմ՝ սա գովեստ է, քանի որ այն պարզապես ցույց է տալիս, թե որքան բացառիկ է պատկերը»,- CNN-ին ասել է Գոթչը։

Քեյփթաունում բնակվող Գոթչը, որ Հարավային Աֆրիկայում սկսնակ լուսանկարիչների համար դասընթացներ է անցկացնում, իր աշակերտներին տարել էր աշխարհի ամենահին անապատը՝ Նամիբ՝ ավազաբլրի վրա բարձրացող լիալուսինը նկարելու։ Հանկարծ Գոթչին և նրա ղեկավարած խմբին է մոտեցել աղմուկով «հետաքրքրված» ընձուղտ։ Հենց այդ պահին էլ լուսանկարիչը որսացել է պահը և լուսնի ֆոնին նկարել հսկա կենդանուն։