ԱՄՆ-ում դատավորը Թրամփի վարչակազմին կարգադրել է վերադարձնել Ֆիլադելֆիայի թանգարանից հանված ստրկության մասին ցուցանմուշները
Ջորջ Օրուելի «1984» վեպի դիստոպիկ աշխարհին հղում անող դաշնային դատավորը կարգադրել է Թրամփի վարչակազմին վերադարձնել Ֆիլադելֆիայի հայտնի պատմության թանգարանից հանված ստրկության մասին ցուցանմուշը․ գրում է CNN-ը։
Ցուցանմուշը հանվել էր հունվարի վերջին, Թրամփի վարչակազմի հրամանով:
Այժմ Ֆիլադելֆիա նահանգն այս հարցով դատական հայց է ներկայացրել, և դատավորը համաձայնել է, որ ցուցանմուշի հեռացումն անօրինական է՝ հրամայելով վերականգնել վահանակներն ու ցուցադրությունները, քանի դեռ դատական գործի քննությունը չի ավարտվել։
Իր գրավոր որոշման մեջ դատավոր Սինթիա Ռուֆը հղում է կատարել Ջորջ Օրուելի «1984» վեպին՝ ասելով, որ պատմական ճշմարտությունը ջնջելու կամ փոխելու փորձը նման է Օրուելի հորինված «Ճշմարտության նախարարության» գաղափարին։
Որոշումը կառավարությանը թույլ չի տալիս հետագայում հանել ցուցանմուշը, մինչև դատարանը չլուծի վեճը:
Փենսիլվանիայի դեմոկրատ նահանգապետ Ջոշ Շապիրոն նախկինում քննադատել էր ստրկության մասին ցուցանմուշի հեռացումը՝ ասելով, որ Սպիտակ տունը փորձում է կոծկել պատմությունը։
