Լավրովը և Արաղչին քննարկել են Ժնևում ԱՄՆ-Իրան բանակցությունների արդյունքները
Ռուսաստանի արտաքին գործերի նախարար Սերգեյ Լավրովը և Իրանի արտաքին գործերի նախարար Աբբաս Արաղչին հեռախոսազրույցի ընթացքում քննարկել են Ժնևում ԱՄՆ-Իրան բանակցությունների արդյունքները. տեղեկացրել են Ռուսաստանի ԱԳՆ-ից։
«Արտաքին գործերի նախարարները մտքեր են փոխանակել Իրանի միջուկային ծրագրի շուրջ ստեղծված իրավիճակի վերաբերյալ, այդ թվում՝ հաշվի առնելով Ժնևում կայացած ԱՄՆ-Իրան անուղղակի շփումների արդյունքները», – նշվել է հայտարարությունում։
Լավրովը նշել է, որ Ռուսաստանն աջակցում է բանակցային գործընթացին, որն «ուղղված է արդար քաղաքական և դիվանագիտական լուծումներ գտնելուն՝ հարգելով Իրանի օրինական իրավունքները՝ համաձայն Միջուկային զենքի չտարածման մասին պայմանագրի սկզբունքների»։
Զրույցի ընթացքում կողմերը նաև անդրադարձել են փոխադարձ հետաքրքրություն ներկայացնող երկկողմանի հարցերի։
