Մենք տեսնում ենք, որ ԱՄՆ Սենատն ընդունում է օրինագիծ, որով դատապարտվում
է Ադրբեջանը եւ Ադրբեջանի դեմ սանկցիաներ են կիրառվում, մենք տեսնում ենք, որ Եվրախորհրդարանն
ընդունում է օրինագիծ եւ պարտադրում է Եվրոպական կառավարություններին եւ Եվրոպական
հանձնաժողովին Ադրբեջանի դեմ պատժամ,իջոցներ կիրառել Արցախը հայաթափելու համար, ուստի
ոչ մի կոնսենսուս չկա. այս մասին այսօր ԱԺ-ի մոտ տեղի ունեցող«ՀայաՔվե»
նախաձեռնության կողմնակիցների բողոքի ակցիայի ժամանակ ասել է «Հայաքվե» նախաձեռնության
համակարգող Ավետիք Չալաբյանը։
Չալաբյանի խոսքով՝ Արցախի հարցում աշխարհաքաղաքական
խաղացողների մոտ լուռ կոնսենսուս գոյություն չունի, դա իշխանության հնարած կեղծ թեզն
է:
«Կոնսենսուսի
մասին խոսում է այս իշխանությունը, որն, այո, կոնսենսուս ունի Թուրքիայի եւ Ադրբեջանի
հետ եւ փորձում է մնացածին խաբել, որ կա համաշխարհային կոնսենսուս: Այդպիսի կոնսենսուս
չկա, մի խաբնվեք»,-ասաց Չալաբյանը և հիշեցրեց, որ ԱՄՆ-ում գործում է 907 բանաձեւը, որը նախատեսում է, որ ԱՄՆ-ն
Ադրբեջանին չեն կարող որեւէ ռազմական օգնություն հատկացնել։
«Հետագայում այդ բանաձեւը
ճշգրտվել է, ամեն տարի ԱՄՆ նախագահը իրավունք ուներ Կոնգրեսի համաձայնությամբ այդ բանաձեւի
գործողությունը մեկ տարով չեղարկել: Հիմա Սենատը ընդունել է նոր օրինագիծ, որով ԱՄՆ
նախագահի այդ իրավունքը վերացվում է: Ուստի ես կարծում եմ՝ բոլորովին չի բացառվում,
որ ԱՄՆ-ն, ԵՄ-ն, ապագայում նաեւ ՌԴ-ն, փոխեն իրենց դիրքորոշումները եւ առնվազն նպաստեն,
որ Արցախի հայ բնակչությունը վերադառնա եւ նորից վերսկսվեն բանակցությունները Մինսկի
խմբի շրջանակներում եւ հենց Արցախի իքնորոշումը ճանաչելու տրամաբանությամբ: Պարզապես
մեզ պետք է ազատվել այն իշխանություններից, որոնք ցանկանալով օր առաջ առեւտուր սկսել
Թուրքիայի եւ Ադրբեջանի հետ, պատրաստ են դրա համար զոհաբերել Արցախը»,-ասել է Չալաբյանը:
