Ամերիկացիների մեծ մասը կարծում է՝ Թրամփը տարիքի հետ անկայուն է դարձել

Reuters գործակալության և Ipsos հետազոտական ընկերության նոր հարցման համաձայն՝ ամերիկացիների շրջանում տասից վեցը, այդ թվում՝ հանրապետականների զգալի մասը, կարծում է, որ նախագահ Դոնալդ Թրամփը տարիքի հետ անկայուն է դարձել։

Հարցմանը մասնակցածների մոտ 79%-ը համաձայն է պնդման հետ, որ ԱՄՆ «պաշտոնյաները չափազանց տարեց են ամերիկացիների մեծամասնությանը ներկայացնելու համար»։ ԱՄՆ Սենատի ներկայացուցիչների միջին տարիքը 64 է, իսկ Ներկայացուցիչների պալատինը՝ 58։

Սպիտակ տունը չի արձագանքել մեկնաբանության խնդրանքին։