Հիլարի ու Բիլ Քլինթոնները ցուցմունք կտան Ջեֆրի Էփշտեյնի գործով

ԱՄՆ նախկին պետքարտուղար Հիլարի Քլինթոնը փետրվարի 26-ին ցուցմունք կտա ԱՄՆ Ներկայացուցիչների պալատի վերահսկողական կոմիտեում՝ սկանդալային ֆինանսիստ Ջեֆրի Էփշտեյնի գործի շրջանակում․ հաղորդում է NBC-ն։

Հաջորդ օրը՝ փետրվարի 27-ին, նախկին պետքարտուղարի ամուսինը՝ ԱՄՆ նախկին նախագահ Բիլ Քլինթոնը ևս ԱՄՆ Ներկայացուցիչների պալատում ցուցմունք կտա։

Քլինթոնների ընտանիքի և Ջեֆրի Էփշտեյնի միջև կապերի նկատմամբ հետաքրքրությունը սրվել է նրա գործի վերաբերյալ նոր ֆայլերի հրապարակումից հետո։ Նախկինում չբացահայտված նյութերի թվում են Բիլ Քլինթոնի բազմաթիվ լուսանկարներ, այդ թվում՝ ջակուզիում կանանց հետ։