AI-ը ներխուժում է հոգևոր կյանք․ Ճապոնիայում փորձարկում են ռոբոտ-վանականի

Ճապոնիայում փորձարկում են արհեստական ​​բանականությամբ աշխատող ռոբոտ-վանականի․ գրում է Euronews-ը։

Բուդդարոիդ անունով մարդանման ռոբոտը լրագրողների առջև հայտնվել է պարզ մոխրագույն զգեստով՝ հանգիստ խոսելով բուդդայական ուսմունքների մասին։

Ռոբոտը մշակվել է Կիոտոյի համալսարանի կողմից․ այն կարող է քայլել, տարբեր ժեստեր անել և պատասխանել անձնական հարցերի՝ հիմնվելով բուդդայական ուսմունքների վրա։

Հետազոտողները նշել են, որ նման ռոբոտները կարող են օգնել լուծել Ճապոնիայում վանականների պակասի խնդիրը՝ միաժամանակ հոգևոր պրակտիկայում տեխնոլոգիայի դերի վերաբերյալ հարցեր առաջացնելով։