Մարզակոշիկներին հրաժեշտ տալ դեռ չեմ պատրաստվում․ Մխիթարյանը՝ կարիերայի մասին
«Ինտերի» հայ կիսապաշտպան Հենրիխ Մխիթարյանը հանդիպել է Միլանի Բոկոնիի համալսարանի ուսանողներին և խոսել կարիերայի մասին։
«Սպորտային կոշիկներին հրաժեշտ տալ դեռ չեմ պատրաստվում։ Մտադիր եմ խաղալ և չեմ մտածում կարիերան ավարտելու մասին։ Հիմա 37 եմ և գիտակցում եմ՝ պետք է ավելի ճիշտ ու գրագետ կառավարել մարմինը։ Փորձում եմ անել առավելագույնը՝ մարզադաշտում հնարավորինս երկար մնալու և ապագայում ոչնչի համար չափսոսալու համար»,- նշել է Մխիթարյանը։
