«Ռոսատոմ»-ը հայտարարել է, որ Իրանի միջուկային օբյեկտները «ոչ մի դեպքում չպետք է թիրախավորվեն»
Ռուսական պետական «Ռոսատոմ» ընկերությունը հայտարարել է, որ 94 մարդ է տարհանել Իրանի Բուշերի ատոմակայանից․ գրում է Al Jazeera-ն։
Մեջբերելով գործադիր տնօրեն Ալեքսեյ Լիխաչովին՝ ընկերությունը հայտարարել է, որ տարհանել է բոլոր աշխատակիցների երեխաներին, ինչպես նաև «ոչ կենտրոնական աշխատակիցներին» և բոլոր նրանց, ովքեր ցանկանում էին լքել երկիրը։
«Մենք անընդհատ հետևում ենք իրավիճակին և գնահատում ենք ռիսկերը։ Անհրաժեշտության դեպքում Արտաքին գործերի նախարարության հետ համատեղ կձեռնարկվեն լրացուցիչ միջոցներ՝ մեր աշխատակիցների անվտանգությունն ապահովելու համար»,- ասել է Լիխաչովը՝ հավելելով, որ միջուկային օբյեկտները «ոչ մի դեպքում չպետք է թիրախավորվեն»։
Նշենք, որ Բուշերի ատոմակայանը կառուցել է Ռուսաստանը․ այն Իրանի միակ գործող ատոմակայանն է։
