Իրանն արգելել է նավերի անցումը Հորմուզի նեղուցով․ ԵՄ ռազմածովային առաքելության պաշտոնյա

ԵՄ Aspides ռազմածովային առաքելության պաշտոնյան հայտարարել է, որ նավերն ազդանշաններ են ստանում Իսլամական հեղափոխության պահապանների կորպուսից, ըստ որոնց՝ «ոչ մի նավի թույլատրված չէ անցնել Հորմուզի նեղուցով»․ գրում է Reuters գործակալությունը։

Անանուն մնալու պայմանով Reuters-ի հետ զրուցած պաշտոնյան ասել է, որ Իրանը պաշտոնապես չի հաստատել տեղեկությունը։

Նշվում է, որ Թեհրանը տարիներ շարունակ սպառնացել է փակել նեղուցը՝ ի պատասխան իսլամական հանրապետության դեմ ցանկացած հարձակման։