Պենտագոնի պաշտոնյաները խոստովանել են՝ Իրանը չէր պատրաստվում առաջինը հարձակվել ԱՄՆ ուժերի դեմ

Կիրակի Պենտագոնի պաշտոնյաները խոստովանել են, որ չկա որևէ հետախուզական տեղեկատվություն, որ Իրանը պատրաստվում էր առաջինը հարձակվել ԱՄՆ ուժերի դեմ․ գրում է Reuters գործակալությունը՝ հղում անելով երկու աղբյուրի։

Թրամփը հայտարարել էր, որ հարձակումը, որը, նրա խոսքով, կտևի շաբաթներ, նպատակ ուներ թույլ չտալ, որ Իրանը միջուկային զենք ունենա, զսպել նրա հրթիռային ծրագրի զարգացումը և վերացնել Միացյալ Նահանգների և նրա դաշնակիցների համար սպառնալիքները։ Նա կոչ է արել իրանցիներին ապստամբել և տապալել Իրանի կառավարությունը։