Ֆրանսիան պատրաստ է պաշտպանել Պարսից ծոցի երկրներն ու Հորդանանն Իրանից․ ԱԳՆ
Ֆրանսիան պատրաստ է պաշտպանել Պարսից ծոցի երկրները և Հորդանանն Իրանից․ հայտարարել է Ֆրանսիայի արտաքին գործերի նախարար Ժան-Նոել Բարոն։
«Ֆրանսիան իր լիակատար աջակցությունն ու համերաշխությունն է հայտնում բարեկամ երկրներին, որոնք դարձել են ԻՀՊԿ հրթիռային և անօդաչու թռչող սարքերի հարվածների թիրախ և ներքաշվել պատերազմի մեջ»,- ընդգծել է նախարարը՝ նշելով Բահրեյնը, Հորդանանը, Իրաքը, Կատարը, Քուվեյթը, Արաբական Միացյալ Էմիրությունները (ԱՄԷ), Օմանը և Սաուդյան Արաբիան։
«Համաձայն իր գործընկերների հետ կնքված համաձայնագրերի և միջազգային իրավունքում ամրագրված հավաքական ինքնապաշտպանության սկզբունքների՝ Ֆրանսիան պատրաստ է մասնակցել նրանց պաշտպանությանը»,- հավելել է Բարոն։
