«Լապտերների հայրենիքը»՝ փոքրիկ գյուղ, որտեղ պատրաստվում են Չինաստանի գրեթե բոլոր լապտերները
Չինաստանում կարմիր լապտերները լուսնային նոր տարվա տոնակատարությունների խորհրդանիշներից մեկն են․ դրանք կարող ենք տեսնել փողոցներում, տաճարների տարածքում, ամենուր․ գրում է BBC-ն։
Զարմանալի կթվա, սակայն ասում են՝ երկրի լապտերների 80%-ը պատրաստվում է ձեռքով՝ Հեբեյ նահանգի մի փոքրիկ գյուղում։
Չինաստանի «լապտերների մայրաքաղաք» Տունտուի փոշոտ փողոցներով զբոսնելիս ամենուրեք ականատես կլինեք լապտերների պատրաստման աշխատանքների․ գյուղի մի քանի բնակիչ նստած են աթոռակների վրա և զրուցելով լապտերներ են պատրաստում, իսկ գլխավոր փողոցում միմյանց վրա կույտ-կույտ դրված են արդեն իսկ պատրաստ կարմիր լապտերները։
Ոչ ոք չգիտի, թե քանի հարյուր տարի առաջ է լապտերների պատրաստման արհեստը սկիզբ առել Չինաստանի հյուսիսային այս հատվածում։ Հատկանշական է, որ բարձրտեխնոլոգիական դարաշրջանում Տունտուն կարողացել է գերիշխող դիրք գրավել լապտերների շուկայում՝ օգտագործելով մեկ այլ դարաշրջանի արտադրական տեխնիկա։
