Արամ Ա կաթողիկոսը մտահոգությամբ հետևում է Մերձավոր Արևելքի հայկական գաղութներում ստեղծված իրավիճակին
Արամ Ա կաթողիկոսը մտահոգությամբ հետևում է Մերձավոր Արևելքի հայկական գաղութներում ստեղծված իրավիճակին և մշտական կապի մեջ է նրանց հետ․ հայտնում են Մեծի Տանն Կիլիկիո կաթողիկոսությունից։
«Արամ Ա-ն կոչ է անում դադարեցնել ռազմական գործողությունները բոլոր տարածաշրջաններում և այս հարցերի արդար լուծումը գտնել քաղաքական բանակցությունների միջով»,- ասված է հայտարարության մեջ։
Մեծի Տանն Կիլիկիո կաթողիկոսությունից նշում են, որ պատրաստ են անել ամեն ինչ՝ թեմերի աշխատանքին աջակցելու և նրանց կարիքները հոգալու համար։
Ի դեպ, այսօր՝ մարտի 3-ի երեկոյան, Արամ Ա-ի նախագահությամբ կգումարվի Կենտրոնական ազգային վարչության արտակարգ նիստ։
