Միրզոյանն ու Կալլասը քննարկել են Մերձավոր Արևելքում ստեղծված իրավիճակը
Հայաստանի ԱԳ նախարար Արարատ Միրզոյանը հեռախոսով զրուցել է Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալլասի հետ․ հայտնում են ՀՀ ԱԳՆ-ից։
Զրուցակիցներն անդրադարձ են կատարել Մերձավոր Արևելքում ստեղծված իրավիճակին, այդ թվում՝ հումանիտար բնույթի հարցերի:
«Արարատ Միրզոյանը և Կայա Կալլասն ընդգծել են առաջիկա միջոցառումների և այցերի իրականացման և ՀՀ-ԵՄ օրակարգն առաջ մղելու հարցում ակտիվ ներգրավածությունը», – ասված է հաղորդագրության մեջ:
