Իրանը կարող է շարունակել պատերազմն այնքան ժամանակ, որքան անհրաժեշտ է․ Խամենեիի խորհրդական
Իրանը չի բանակցելու Միացյալ Նահանգների հետ․ տեղական հեռուստատեսության հետ զրույցում հայտարարել է Իրանի նախկին գերագույն առաջնորդ այաթոլլահ Ալի Խամենեիի խորհրդական Մոհամմադ Մոխբերը։
Նրա խոսքով՝ ԱՄՆ-ի հետ երկխոսության հիմք չկա, քանի որ Իրանը չի վստահում ամերիկացիներին։
Անդրադառնալով 1980-1988 թվականների Իրան-Իրաք պատերազմին՝ նա նշել է, որ Իրանը կարող է շարունակել պատերազմն այնքան ժամանակ, որքան անհրաժեշտ է։
Մոխբերն ընդգծել է, որ Իսլամական հեղափոխության սկզբից ի վեր ԱՄՆ-ն ու Իսրայելը փորձում են հասնել Իրանի մասնատմանը։
«Ամերիկացիները չեն ցանկանում գրավել Իրանը, այլ մասնատել այն»,- նշել է Խամենեիի խորհրդականը։
